काठमाण्डौ/नेपाली काँग्रेसले बाहिरी जिल्लाबाट ल्याएका गुण्डासँग गएराति काभ्रेको कोशीपारी क्षेत्रमा पर्ने नाग्रेगगर्चेमा झडप भएको छ । चौरी देउरी गाउँपालिका वडा २ नाग्रेगगर्चेमा भएको झडपमा परी बामगठबन्धनका ५ जना कार्यकर्ता घाइते घएका छन् ।

घाइते हुनेहरुमा अर्पण लामा, सायद प्रधान, प्रदेश लामा लगायत छन् । उनीहरुको ठाउँको र ढाडमा चोट लागेको छ । केहिदिन अघिदेखि दोलखा र रामेछाप जिल्लाबाट आएर बसेका काँग्रेसका गुण्डाहरुसँग झडप भएको हो । राति ९ बजेतिर योजनाबद्ध ढंगले बाम कार्यकर्ता माथि काँग्रेसका गुण्डाहरुले आक्रमण गरेका थिए ।

जिल्ला प्रहरी कार्यालय काभ्रेका डिएसपी महेश प्रसाद मरासिनीले कोशीपारीको झडप सामान्य रहेको प्रतिक्रिया दिए । उनले उक्त घटनामा कोहि पनि घाइते भएको आफुलाई जानकारी नआएको बताए ।