२०८१, १ फाल्गुन बिहीबार

निर्वाचनमा सुरक्षा चुनौती बढ्यो, भाग लिने उमेद्वारमाथि निरन्तर बम प्रहार

निर्वाचनमा सुरक्षा चुनौती बढ्यो, भाग लिने उमेद्वारमाथि निरन्तर बम प्रहार


काठमाडौं । प्रतिनिधि सभा र प्रदेश सभाको निर्वाचनका लागि सुरक्षा व्यवस्था प्रमुख चुनौतीको रुपमा देखिएको छ । सुरक्षाका लागि एकीकृत सुरक्षा रणनीति बनाएर प्रहरी परिचालन गरे पनि निर्वाचनमा भाग लिएका उमेद्वारहरुमाथि निरन्तर बम प्रहार भइरहेका छन् ।

निर्वाचन सुरक्षाका लागि सरकारले नेत्रविक्रम चन्द विप्लप नेतृत्वको नेकपालाई मुख्य चुनौतीका रुपमा औंल्याएको छ । विशेषगरी वाम गठबन्धनमा रहेका नेकपा माओवादी केन्द्र र नेकपा एमालेका नेताहरुलाई लक्षित गरी बम प्रहार भएको छ भने नेपाली कांग्रेसका नेताहरुलाई पनि केही स्थानमा लक्षित गरिएको छ ।

पछिल्लो समय बाराको सिमरामा नेपाली कांग्रेसका उम्मेदवारले प्रयोग गरेको गाडीमा प्रेसर कुकर बम बिष्फोटन गराइएको छ । प्रतिनिधिसभा बारा क्षेत्र नम्बर ४ को प्रदेशसभा १ का कांग्रेस उम्मेदवार ओमकृष्ण कार्की चढ्ने गाडीमा बिहान बम विस्फोट भएको हो । सोमबार बिहान साढे पाँच बजे बम विष्फोट भएपछि बा १४ च ६६३३ नम्बरको गाडिमा क्षति पुगेको छ ।

यसअघि रोल्पामा ओन्सरी घर्ती मगर लागायत माओवादी केन्द्रका नेताहरुलाई लक्षित गरी बम प्रहार भएको थियो । त्यस्तै लिवाङमा वाम गठबन्धनको चुनावी सभालाई सम्बोधन गर्न गएका माओवादी केन्द्रका नेता नन्दबहादुर पुन, कृष्णबहादुर महरा र वर्षमान पुन चढेको गाडीलाई लक्षित गरी दुई बम प्रहार भएको थियो । यसैगरी नुवाकोटको प्रतिनिधिसभा निर्वाचन क्षेत्र नं. १ का उमेद्वार रामशरण महत चढेको गाडी नुवाकोटको ककनीमा एम्बुसमा पर्यो ।

त्यस्तै वाम गठबन्धनका जनार्दन शर्मालाई लक्षित गरी बम विस्फोट गराइएको थियो भने संखुवासभामा पनि वाम गठबन्धनकै नेताहरुलाई लक्षित गरी बम प्रहार भइसकेको छ । उता भोजपुरमा पनि वाम गठबन्धनकै एमाले नेता शेरधन राई माथि बम प्रहार भएको थियो भने म्याग्दीमा कांग्रेसका उमेद्वारलाई लक्षित गरी प्रहार गरिएको थियो । सृङ्खलावद्ध बम प्रहारका घटनालाई विप्लप समुहले निर्वाचनप्रति जनताको असन्तुष्टि र विद्रोहको रुपमा विश्लेषण गर्ने गरेको छ भने घटनाको कसैले जिम्मेवारी लिएको छैन ।

प्रकाशित मिति : २०७४, ४ मंसिर सोमबार  ४ : ४२ बजे

साँखुमा स्कुल बस दुर्घटना : छ जनाकाे मृत्यु, ४० घाइते 

काठमाडौं: काठमाडौंको शंखरापुर नगरपालिका ५ स्थित साँखु–नगरकोट सडखण्डमा स्कुल बस

प्रचण्डको अभिव्यक्तिमा एमालेको आपत्ति

काठमाडौं । नेकपा एमालेका प्रमुख सचेतक महेश बर्तौँलाले नेकपा माओवादी

हामीले क्रान्तिका कुरा गर्यौं तर हुलाक सेवालाई परिवर्तन गर्न सकेनौं’

काठमाडौं । सञ्चार तथा सूचना प्रविधिमन्त्री पृथ्वी सुव्वा गुरुङले राजनीतिक

सशस्त्र प्रहरीको विपद् प्रतिकार्यका लागि ५३ औं टोली तयार

सप्तरी । विपद् व्यवस्थापन कार्यमा खटिँदै आएको सशस्त्र प्रहरी बल,

आजको मौसम अपडेट : तराईमा बाक्लो हुस्सु, केही प्रदेशमा बदली हुने

काठमाडौं । जल तथा मौसम विज्ञान विभाग मौसम पूर्वानुमान महाशाखाले