काठमाडौं । संयुक्त अरब इमिरेट्स (यूएई) ले हर्मुज जलमार्गमा आफ्नो सरकारी तेल कम्पनी एडीएनओसीको जहाजमाथि इरानले आक्रमण गरेको आरोप लगाएको छ।

शुक्रबार हर्मुज हुँदै गइरहेको जहाजमाथि आक्रमण भए पनि कुनै व्यक्ति घाइते नभएको एडीएनओसीले जनाएको छ।

यूएईले इरानलाई जहाजमाथिको आक्रमण तत्काल रोक्न र हर्मुज जलमार्ग पूर्ण रूपमा खुला गर्न आग्रह गरेको छ। इरानले भने घटनाबारे तत्काल प्रतिक्रिया दिएको छैन।

एक साताभित्र एडीएनओसीका जहाजसँग सम्बन्धित यो तेस्रो घटना भएको रोयटर्सले जनाएको छ। हर्मुज जलमार्ग विश्वको प्रमुख ऊर्जा आपूर्ति मार्ग भएकाले पछिल्लो घटनाले अन्तर्राष्ट्रिय समुद्री सुरक्षा र तेल आपूर्तिमा थप चिन्ता बढाएको छ।