काठमाडौं । नेपाली बजारमा सुनको मूल्यले लगातार दोस्रो दिन पनि उच्च छलाङ मारेको छ। दुई दिनमै प्रतितोला १२ हजार २०० रुपैयाँले वृद्धि भएपछि बिहीबार छापावाल सुन प्रतितोला २ लाख ९६ हजार रुपैयाँमा कारोबार भइरहेको छ।

नेपाल सुनचाँदी व्यवसायी महासंघका अनुसार बुधबार प्रतितोला ४ हजार २०० रुपैयाँले बढेको सुनको मूल्य बिहीबार थप ८ हजार रुपैयाँले उकालो लागेको हो। बुधबार प्रतितोला २ लाख ८८ हजार रुपैयाँमा कारोबार भएको सुन आज २ लाख ९६ हजार रुपैयाँ पुगेको छ।

सुनसँगै चाँदीको मूल्य पनि बढेको छ। बुधबार प्रतितोला ४ हजार ४७५ रुपैयाँमा कारोबार भएको चाँदी बिहीबार ९५ रुपैयाँले बढेर प्रतितोला ४ हजार ५७० रुपैयाँमा किनबेच भइरहेको महासंघले जनाएको छ।

अन्तर्राष्ट्रिय बजारमा पनि सुनको मूल्य उच्च रहेको छ। बिहीबार सुन प्रतिऔंस ४ हजार २५९ अमेरिकी डलरमा कारोबार भइरहेको छ। अन्तर्राष्ट्रिय बजारमा आएको मूल्यवृद्धिको प्रभाव नेपाली बजारमा पनि देखिएको व्यवसायीहरूको भनाइ छ।