काठमाडौं । आज दिउँसो र राति देशका विभिन्न भागमा मध्यमदेखि भारी वर्षा हुने मौसम पूर्वानुमान महाशाखाले जनाएको छ।
महाशाखाका अनुसार बागमती, गण्डकी, लुम्बिनी र सुदूरपश्चिम प्रदेशका पहाडी भूभागमा दिउँसो मध्यम वर्षाको सम्भावना रहेको छ। लुम्बिनीको तराई र सुदूरपश्चिम तथा कर्णाली प्रदेशका पहाडमा एक–दुई स्थानमा भारी वर्षा हुन सक्नेछ।
राति देशभर सामान्य बदली रहनेछ भने गण्डकी, कर्णाली र सुदूरपश्चिमका पहाड, साथै लुम्बिनी र कोसीका तराई क्षेत्रमा एक–दुई स्थानमा भारी वर्षा हुन सक्ने पूर्वानुमान गरिएको छ।
महाशाखाले बाढी, पहिरो तथा सडक अबरुद्ध हुने जोखिम रहेकाले सतर्कता अपनाउन आग्रह गरेको छ।
प्रतिक्रिया