काभ्रे । प्रेस चौतारी नेपाल काभ्रे शाखाले स्थापना गरेको पत्रकार अक्षयकोषमा पूर्वराज्यमन्त्री तथा नेकपा एमालेका केन्द्रीय सदस्य रेशम लामाले १ लाख १ हजार रुपैयाँ आर्थिक सहयोग गरेका छन् । लामाले आफ्नो जन्मदिनको अवसरमा चौतारी काभ्रे शाखाको कार्यालयमै पुगेर उक्त रकम अध्यक्ष केदार तिमल्सिनासहित पदाधिकारीहरूको उपस्थितिमा हस्तान्तरण गरेका हुन् ।

सहयोग रकम हस्तान्तरण गर्दै नेता लामाले प्रेस स्वतन्त्रता र पत्रकार सुरक्षाको सवालमा पत्रकारहरूसँग ऐक्यबद्धता जनाउँदै अक्षयकोषमा योगदान दिन पाएकोमा खुशी व्यक्त गरे । नागरिक अधिकारका लागि निरन्तर खटिने पत्रकारहरूलाई सहयोग गर्ने उद्देश्यले स्थापना गरिएको कोषमा सहभागी हुन पाउँदा गर्व लागेको छ,ू लामाले भने, ूकोषको प्रगति र व्यावसायिक पत्रकारिताको सफलताका लागि शुभकामना व्यक्त गर्दछु । कार्यक्रममा प्रेस चौतारी काभ्रेका अध्यक्ष केदार तिमल्सिनाले लामाको सहयोगप्रति धन्यवाद व्यक्त गर्दै, अक्षयकोषले जिल्लामा क्रियाशील पत्रकारहरूको हकहित र आवश्यक परेमा आपत्कालीन सहयोगमा उपयोग हुने जानकारी दिए। उनका अनुसार प्रेस चौतारीले पत्रकारहरूको क्षमता अभिवृद्धि, संस्थागत विकास र व्यावसायिकतामा जोड दिँदै कार्य योजना अघि बढाएको छ ।

उक्त अवसरमा पूर्वमन्त्री लामाको जन्मोत्सव समेत मनाइएको थियो। साथै, उनले चौतारीको कार्यालयको दुई महिनाको भाडा तिर्ने प्रतिबद्धता पनि व्यक्त गरेका छन्।