काठमाडौं । नुवाकोटमा त्रिशूली नदीमा फसेका दुई जनालाई हेलिकप्टरबाट उद्धार गरिएको छ । अविरल वर्षका कारण नुवाकोटको त्रिशूली बजार नजिक रहेको स्थानमा सोमबार राति रुखमा चढेर बसेका दुई जनालाई हेलिकोप्टरबाट उद्धार गरिएको हो ।

उद्धारपछि उनीहरुलाई सुरक्षित स्थानमा राखिएको नेपाली सेनाका प्रवक्ता राजाराम बस्नेतले जानकारी दिनुभएको छ । पहिलो हेलिकप्टरले उनीहरुको उद्धार गर्न नसकेपछि पछि अर्को ठूलो हेलिकप्टरबाट उनीहरुको उद्धार गरिएको हो । नुवाकोट, विदुर नपा १ लभडाँडा मिलन चौतारा बस्ने वर्ष ६७ को पाल्देन तामाङ र श्रीमती वर्ष ६२ को मंगली तामाङको उद्वार गरिएको विपद प्राधिकरणले जानकारी दिएको छ ।