काठमाडौं । नव नियुक्त प्रधानमन्त्री केपी शर्मा ओलीले पदभार ग्रहण गरेका छन् । आज पद तथा गोपनीयताको शपथ ग्रहणसँगै सिंहदरबार पुगेर उनले प्रधानमन्त्री तथा मन्त्रिपरिषद् कार्यालयको पदभार ग्रहण गरेका हुन् ।
त्यसअघि प्रधानमन्त्री ओलीले लैनचौरमा रहेको शहीद स्मारकमा रहेका शहीदहरूको शालिकमा माल्यार्पण गरेका थिए । साथै उनी पार्टी केन्द्रीय कार्यालय ललितपुरको च्यासल पनि पुगेका थिए । यस्तै अहिले नवनियुक्त मन्त्रीहरूले पदभार ग्रहण गर्ने क्रम चलिरहेको छ । प्रधानमन्त्रीसहित सबै मन्त्रीहरूले आजै शीतल निवासमा राष्ट्रपति रामचन्द्र पौडेलबाट पद तथा गोपनीयताको शपथ ग्रहण गरेका थिए ।
प्रतिक्रिया