सुर्खेत । नेकपा एमाले कर्णाली प्रदेशको नयाँ नेतृत्वका लागि भएको निर्वाचनमा ४ सय मत गणना गर्दा गुलावजंग शाहले दोब्बर मतले अग्रता लिनुभएको छ ।

जम्मा खसेको ६ सय ९ मतमध्ये ४ सय मत गणना हुँदा शाहले २ सय ५० मत पप्त गरी प्रतिस्पर्धी अध्यक्ष पदका उम्मेदवार मीनबहादुर शाही भन्दा १ सय २० मतले अग्रता लिनुभएको हो । मीनबहादुर शाहीले १ सय ३० मत पाउनु भएको छ ।

यस्तै अर्का अध्यक्षका उम्मेदवार प्रकाश रोकायाले ३ मत प्राप्त गर्नुभएको छ । यस्तै, उपाध्यक्ष पदका उम्मेदवार टेकराज पछाईले २ सय ३०, लालबहादुर महताराले १ सय २२ र दानसिंह परियारले ३० मत प्राप्त गर्नुभएको छ । सचिवमा ध्रुवकुमार शाहीले २ सय ७६ र रूद्रबहादुर शाहीले १ सय २ मत प्राप्त गर्नुभएको छ ।