काठमाडौँ । थप तीन किलो सुनसहित दोलखामा प्रहरीले एक जनालाई पक्राउ गरेको छ । आज दोलखा जिल्ला विगु गाउँपालिका वडा नम्बर ३, स्थित जामुनेबाट केशव तामाङ पक्राउ परेका हुन् । चीनबाट तस्करी गरेर भित्राएको ३ किलो सुनसहित प्रहरीको केन्द्रीय अनुसन्धान ब्युरोको टोलीले उनलाई पक्राउ गरेको हो ।

दोलखा प्रहरीले हिजो मात्रै अवैध सुन तस्करी प्रकरणका आरोपी विगु गाउँपालिका–१ का २८ बर्षिय केशर तामाङ, १८ बर्षिय पेम्बा तामाङ, २० बर्षिय माधव मगर, विगु गाउँपालिका–१, का ५५ वर्षिय नुर्वुछिरिङ शेर्पा र ३० वर्षिय सुनमाला तामाङलाई सार्वजनिक गरेको थियो ।

उनीहरुलाई हिजो नै दोलखा जिल्ला अदालतबाट ८ दिनको म्याद थपगरी अनुसन्धन अघि बढाईएको छ । चीनको बोर्डरबाट लामाबगर हुँदै सुन भित्रिएको हुनसक्ने अनुमान छ । सोहि स्थानबाट चार किलो सुनसहित हिजो ५ जना पक्राउ परेका थिए ।