काठमाडौं २ जेठ  :  सत्तारूढ नेकपा (एमाले) मा २०७५ जेठ २ मा फर्किने सहमति कार्यान्वयनका लागि १० सदस्यीय कार्यदल बनाएको छ ।

प्रधानमन्त्री कार्यालय सिंहदरबारमा भएको करिब २ घण्टाको वार्तामा पार्टीको आन्तरिक समस्या हल गर्न कार्यदल बनाउने निर्णय भएको हो । अध्यक्ष केपी शर्मा ओली र वरिष्ठ नेता माधवकुमार नेपालबीच आइतबार भएको वार्ता सकारात्मक भएपछि दुबै पक्षका ५ र ५ नेता रहेको कार्यदल बनाएको छ । कार्यदलमा अध्यक्ष ओली पक्षको तर्फबाट सुवास नेम्वाङको नेतृत्वमा विष्णु पौडेल, प्रदीप ज्ञवाली, शंकर पोखरेल र विष्णु रिमाल छन् भने माधव नेपाल पक्षको तर्फबाट भीम रावलको नेतृत्वमा घनश्याम भुसाल, गोकर्ण विष्ट, सुरेन्द्र पाण्डे र रघुजी पन्त छन् ।