धुलिखेल, ३१ साउनः काभ्रेको नमोबुद्ध नगरपालिका वडा नम्बर ५ की युवतीमा कोरोना भाइरसको संक्रमण पुष्टि भएको छ । १७ बर्षीय युवतीमा कोरोना संक्रमण पुष्टि भएको स्वास्थ्य कार्यालय काभ्रेका प्रमुख नरेन्द्र कुमार झाले जानकारी दिए ।
यो संख्या काभ्रेमा संक्रमितको संख्या ७१ पुगेको छ । जसमध्ये ३० जना उपचार पछि निको भएर घर फर्किएका छन् । कोरोना संक्रमित एक जनाको मृत्यु भएको छ । ४० जना आइसोलेसनमा रहेका छन् ।
संक्रमित मध्ये ४ जना आफ्नै घरको आइसोलेसनमा बसेका छन् । १ जना काठमाण्डौ मेडिकल कलेज, ३ जना नमोबुद्ध नगरपालिकाको जनक मावि र १ जनाको धुलिखेल अस्पतालको आइसोलेसनमा उपचार भइरहेको छ ।
प्रतिक्रिया