२०८३, ३० कार्तिक सोमबार

अनुदानमा मात्र सीमित नराखौँ नेपाल–अमेरिका सम्बन्ध : सभामुख अर्याल

अनुदानमा मात्र सीमित नराखौँ नेपाल–अमेरिका सम्बन्ध : सभामुख अर्याल


काठमाडौं । सभामुख डीपी अर्यालले नेपाल–अमेरिका सम्बन्धलाई अनुदान सहयोगबाट माथि उठाएर लगानी र आर्थिक साझेदारीमा विस्तार गर्नुपर्ने बताएका छन्।

अमेरिकी तल्लो सदनको वेज एण्ड मिन्स कमिटीका सभापति जेसन स्मिथ नेतृत्वको संसदीय प्रतिनिधिमण्डलसँगको भेटमा उनले नेपालमा लगानीमैत्री वातावरण बनाउन आवश्यक नीतिगत तथा कानुनी सुधारका लागि प्रतिबद्ध रहेको बताए।

भेटमा नेपाल–अमेरिका सम्बन्ध, आर्थिक सहकार्य, जलवायुजन्य विपद् व्यवस्थापन र संसदीय कूटनीतिबारे छलफल भएको सभामुखको सचिवालयले जनाएको छ।

रसुवा तथा भोटेकोशी क्षेत्रमा आएको बाढीका बेला अमेरिकाले देखाएको ऐक्यबद्धता र सहयोगप्रति धन्यवाद दिँदै अर्यालले विपद् जोखिम न्यूनीकरण र प्रभावित क्षेत्रको उत्थानशीलताका लागि आर्थिक तथा प्राविधिक क्षमता भएका राष्ट्रले जिम्मेवार सहकार्य गर्नुपर्नेमा जोड दिए।

उनले अन्तरव्यवस्थापिका संघ (आईपीयू) को १५३औँ महासभामा नेपालले प्रस्तुत गरेको जलवायुसम्बन्धी विपद् व्यवस्थापन र जोखिमग्रस्त क्षेत्रको उत्थानशीलता सुदृढ गर्ने प्रस्ताव दुई तिहाइभन्दा बढी मतले पारित भएको जानकारी गराए।

अमेरिकी प्रतिनिधिमण्डलले बाढीबाट भएको क्षतिप्रति दुःख व्यक्त गर्दै नेपालको आर्थिक, सामाजिक तथा मानवीय विकासमा सहयोग जारी राख्ने र दुई देशबीचको संसदीय सम्बन्ध थप सुदृढ बनाउने प्रतिबद्धता जनाएको छ।

प्रकाशित मिति : २०८३, ९ कार्तिक सोमबार  ३ : २७ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा