धुलिखेल, ७ असारः काभ्रेको चौरीदेउराली स्थायी ठेगाना भएका निर्माण ब्यवसायी राम बहादुर गौतमले जिल्लाका सबै स्वास्थ्य कर्मीको कोरोना बिमा गराइदिएका छन् । उनले आज प्रमुख जिल्ला अधिकारी एवं जिल्ला कोभिड संकट ब्यवस्थापन केन्द्रका संयोजक श्रवण कुमार तिमिल्सिनालाई भेटेर बिमा रकमको चेक हस्तान्तरण गरेका हुन् ।

निर्माण ब्यवसायी गौतमले प्रति स्वास्थ्यकर्मीको ६ सय रुपैयाँका दरले चार लाख उन्नानचास हजार चार सय रुपैयाँको चेक प्रमुख जिल्ला अधिकारी तिमिल्सिनालाई हस्तान्तण गरे ।

एक वर्षका लागि १ लाखकाे बिमा गरिएको हो । जिल्लाको १३ वाटै स्थानीय तहमा गरी ७ सय ४९ जना स्वास्थ्य कर्मीको कोरोना बिमा भएको छ । कोरोना महामारीकामा स्वास्थ्य कर्मी नै पहिलो घेरामा रहेर खटिनुपर्ने भएकाले प्रोत्साहान स्वरुप बिमा गरिएको निर्माण ब्यवसायी गौतमले बताए ।

गाैमतले नेपाल पत्रकार महासंघ काभ्रे शाखालाइ ५० हजार सहयाेग गरेकाे छ । स्वास्थ्यकर्मीकाे बिमा गराउन र महासंघलाइ सहयाेग उलपब्ध गराउन महासंघ बागमती प्रदेश सचिव सुरेश हुमागाइले गरेका थिए ।