धुलिखेल, १७ बैशाखः काभ्रेमा राष्ट्रिय प्राथमिकता प्राप्त आयोजना सुचारु हुने भएको छ । लकडाउन पछि रोकिएका राष्ट्रिय प्राथमिकता योजना सञ्चालन हुने भएका हुन् ।

बुधबार धुलिखेलमा बसेको सर्वपक्षिय बैठकले स्थानीय तहबाट सञ्चालित महत्वपूर्ण आयोजनाहरु सञ्चालन गर्ने निर्णय गरेको हो । सम्झौता भइसकेका र राष्ट्रिय महत्वका योजनाहरु सामाजिक दुरी कामय गरेर सूचारु गर्ने सर्वपक्षिय बैठकले निर्णय गरेको हो । बैठकको निर्णय पछि लकडाउनसँगै रोकिएका योजनाहरु अघि बढ्ने भएका छन् ।

जिल्लाका कतिपय स्थानीय तहले यसअघि नै महत्वपूर्ण आयोजनाहरु सुचारु गरिसकेका छन् । मण्डनदेउपुर नगरपालिकाले विशेष सावधानी अपनाएर विकास निर्माणको योजना अघि बढाउन निर्णय गरिसकेको छ । त्यहि अनुसार काम भइरहेको नगरपालिकाले जनाएको छ ।