धुलिखेल, २१ चैतः काभ्रेको तेमाल गाउँपालिकाले यो वर्षको तेमाल जात्रा आ–आफ्नै घरमा मनाउन अपिल गरेको छ । पालिका प्रमुख सलाम सिंह तामाङले शुक्रबार एक सुचना निकालेर ऐतिहासिक तेमाल जात्रा आ–आफ्नो घरमै बसेर मनाउन अपिल गरेका हुन् ।

कोरोना भाइसरको विश्वब्यापी महामारीका सिर्जित परिस्थितिलाई ध्यानमा राख्दैँ लकडाउनकै मिति भित्र तेमाल जात्रा परेको भन्दै पालिका अध्यक्ष तामाङले आफ्नै घरमा बसी बत्ती बाली पितृहरुको पूजा गर्न अपिल गरेका हुन् ।

तेमाल जात्रा यहि २०७६ साल चैत २५ बौद्ध र २६ गते स्वयम्भुमा हुने मिति तय भएको थियो । ‘यो विषम परिस्थिति हो, आशा छ, फेरी हामी अर्को साल पहिले झै बौद्ध र स्वयम्भुको जात्रामा सहभागि हुनेछौँ, पालिका अध्यक्ष तामाङले भने ‘यो वर्ष आफ्नै घरमा आफ्नो परम्परा अनुसारको काम गर्दा नै सबैको भलो हुन्छ ।’