धुलिखेल, ९ फागुनः नेकपा काभ्रेले जिल्ला कमिटी सदस्य स्वर्गीय हरिदेव गिरीको श्रद्धाञ्जली कार्यक्रम गरेको छ । स्वर्गीय गिरीकै निवास बनेपा नगरपालिका वडा नम्बर २ घिमिरे गाउँमा शुक्रबार श्रद्धाञ्जली कार्यक्रम गरेको हो ।

२०२५ साल बैशाख १२ गते जन्मिएका गिरीको २०७६ साल माघ २१ गते मृत्यु भएको थियो । नेकपाका वागमती प्रदेश सचिवालय सदस्य टोक बहादुर वाईबाका प्रमुख आतिथ्यतामा कार्यक्रम भएको थियो । कार्यक्रममा बोल्दै जिल्ला कमिटी सविच समेत रहेका वाईबाले गिरीको निधनले पार्टीलाई अतुलनीय क्षति पुगेको बताएका थिए ।

कार्यक्रममा वागमती प्रदेश सचिवालय सदस्य तेज बहादुर मिजार, प्रदेश सदस्य इन्द्र बहादुर थिङ लगायत नेताहरुले स्वर्गीय गिरीप्रति श्रद्धाञ्जली अर्पण गर्दै गिरीको निधनले पार्टीलाई ठूलो क्षति पुगेको भन्दै शोकलाई शक्तिमा बदल्न परिवारका सदस्यलाई आग्रह गरे ।