काठमाडौं २२ साउन भारतीय पूर्व विदेशमन्त्री सुस्मा स्वराजको हृदयाघातका कारण निधन भएको छ । हृदयाघातका कारण अल इन्डिया इन्सिच्युट अफ मेडिकल साइन्सेस दिल्लीमा भर्ना भएकी स्वराजको मंगलबार निधन भएको भारतीय अखबारहरुले जनाएको छ। ६७ वर्षीया स्वराज भारतकी पहिलो महिला विदेशमन्त्री थिइन् ।
स्वराज लामो समयदेखि बिरामी थिइन्। सन् २०१६ मा उनको मृगौला प्रत्यारोपण गरिएको थियो। उनी सन् २०१४ मा विदेशमन्त्री भएकी थिइन्। भारतीय जनता पार्टीको सरकारका पालामा उनी दिल्लीकै पहिलो मुख्यमन्त्री समेत भएकी थिइन्। मोदीले दुःख व्यक्त गर्दै स्वराज करोडौं मान्छेका लागि प्रेरणा थिइन् भन्दै ट्विट गरेका छन्।
प्रतिक्रिया