काठमाडौँ १ असार प्रमुख सत्ता रुढ दल नेपाल कम्युनिष्ट पार्टी नेकपा को एकता प्रक्रियाको गृहकार्य सम्पन्न भएको छ ।

पार्टी अध्यक्षद्वय केपी शर्मा ओली र पुष्पकमल दाहाल ‘प्रचण्ड’ले आज पार्टी सङ्गठनसँग सम्बन्धित सबै प्रक्रिया टुङ्ग्याउनुभएकोे महासचिव विष्णुप्रसाद पौडेलले बताएका छन् । बैठकमा अध्यक्षद्वय, महासचिव पौडेल र पार्टी नेता रामबहादुर थापा सहभागी थिए ।

पार्टीका केन्द्रीय आयोग, विभाग, केन्द्रीय सल्लाहकार परिषद्, विशेष प्रदेश, अन्तरराष्ट्रिय प्रवास कमिटी गठन, कार्यविभाजनलगायत एकताका बाँकी रहेका सम्पूर्ण कामलाई अन्तिम रुप दिइएको छ । बुधबार टुङ्गिएको गृहकार्य साउन ५ गते बस्ने पार्टीको सचिवालय बैठकमा पेश हुने र त्यसपछि कार्यान्वयन जाने महासचिव पौडेलले बताएका छन् ।

यसैबीच एकता प्रक्रृयाले पूर्णता नपाएको काभ्रेको इन्चार्जमा पूर्व नेकपा एमालेका ईश्वरी रिजाल र एमाओवादीका दिननाथ गौतम रहेका छन् ।