काठमाडौं । हिमालयन बैंक लिमिटेडको अध्यक्षमा पूर्वमुख्यसचिव डा. बैकुण्ठ अर्याल नियुक्त भएका छन्। बैंकको सञ्चालक समितिको बैठकले अर्याललाई अध्यक्षको जिम्मेवारी दिने निर्णय गरेको हो।
अर्याल यसअघि पनि हिमालयन बैंकको सञ्चालकका रूपमा कार्यरत थिए। अर्थ, प्रशासन तथा सार्वजनिक व्यवस्थापनका क्षेत्रमा लामो अनुभव भएका उनले नेपाल सरकारको मुख्यसचिवको जिम्मेवारीसमेत सम्हालिसकेका छन्।
यसअघि बैंकको अध्यक्ष रहेका प्रचण्डबहादुर श्रेष्ठले पदबाट राजीनामा दिएपछि अध्यक्ष पद रिक्त थियो। सोही रिक्त पदमा अर्याललाई नियुक्त गरिएको बैंकले जनाएको छ।
प्रतिक्रिया