काठमाडौं । नेपाल टेलिकमले गत आर्थिक वर्ष २०८२/८३ मा ८ अर्ब ८६ करोड ४६ लाख रुपैयाँ खुद नाफा कमाएको छ। अघिल्लो वर्षको तुलनामा कम्पनीको नाफा ४७.५८ प्रतिशतले बढेको हो।

टेलिकमको अपरिस्कृत वित्तीय विवरणअनुसार अघिल्लो आवमा कम्पनीको खुद नाफा ६ अर्ब ६७ करोड रुपैयाँ थियो। एक वर्षमै नाफा करिब २ अर्ब ८६ करोड रुपैयाँले बढेको हो।

कम्पनीको करअघिको नाफा पनि ३४.६६ प्रतिशतले बढेर १३ अर्ब २६ करोड ४७ लाख रुपैयाँ पुगेको छ। कुल सञ्चालन आय ३.१२ प्रतिशतले बढेर ३४ अर्ब ९५ करोड ४ लाख रुपैयाँ पुगेको छ।

ब्याज आम्दानी घटेको अवस्थामा पनि जिएसएम सेवाको राजस्व बढ्नु, सञ्चालन आयमा सुधार र वित्तीय व्यवस्थापनका कारण टेलिकमको नाफामा उल्लेख्य वृद्धि भएको कम्पनीले जनाएको छ।