काठमाडौं । प्रधानमन्त्री सुशीला कार्की र एमाले अध्यक्ष केपी शर्मा ओलीबीच बालुवाटारमा तीन घण्टादेखि लामो बैठक भएको छ।
प्रधानमन्त्री कार्कीका प्रेस संयोजक राम रावलका अनुसार, ओली बिहान ११ बजे बालुवाटार पुगेका थिए र दुवै नेता एक्लै बसेर निर्वाचनसम्बन्धी विषयमा छलफलमा जुटेका थिए। प्रधानमन्त्री कार्कीले तोकिएकै समयमा निर्वाचन सम्पन्न गर्न आवश्यक सहयोगको अनुरोध गरेकी थिइन्। बैठकपछि ओलीले एमाले चुनावमा सहभागी हुने तर देशको राजनीतिक अस्थिरता सिर्जना नगर्ने पार्टी भएको स्पष्ट पारेका छन् ।
रावलले ओलीको भनाइ उद्धृत गर्दै भने, “एमाले चुनावमा भाग लिन्छ, तर ध्वंस गर्ने पार्टी होइन। सरकारले त्यसका लागि अनुकूल वातावरण तयार गर्नुपर्छ ।”
प्रतिक्रिया