काठमाडौं । कालीमाटी फलफूल तथा तरकारी बजार विकास समितिले आज (सोमबार)का लागि कृषिउपजको न्यूनतम थोक मूल्य सार्वजनिक गरेको छ।

समितिका अनुसार आज गोलभेँडा ठूलो (भारतीय) प्रतिकिलो ७० रुपैयाँ, गोलभेँडा सानो (लोकल) ४० रुपैयाँ र गोलभेँडा सानो (टनेल) ४८ रुपैयाँ तोकिएको छ। आलु रातो (मुडे) प्रतिकिलो ४५ रुपैयाँ, आलु रातो (भारतीय) ३८ रुपैयाँ र प्याज सुकेको (भारतीय) ३४ रुपैयाँ कायम गरिएको छ।

त्यसैगरी, गाजर (लोकल) ११५ रुपैयाँ, गाजर (तराई) १०० रुपैयाँ, बन्दा (लोकल) ५० रुपैयाँ, काउली (लोकल) १०० रुपैयाँ, रातो मूला ५५ रुपैयाँ, सेतो मूला (हाइब्रिड) ८० रुपैयाँ, भन्टा लाम्चो ६० रुपैयाँ र भन्टा डल्लो ८० रुपैयाँ रहेको छ।

बोडी तने प्रतिकिलो १७० रुपैयाँ, मकै बोडी ८० रुपैयाँ, घिउ सिमी (लोकल र हाइब्रिड) दुवैको मूल्य १३० रुपैयाँ, घिउ सिमी (राजमा) २३० रुपैयाँ र भटमास कोसा १०० रुपैयाँ निर्धारण गरिएको छ।
त्यस्तै, तीतो करेला ८० रुपैयाँ, लौका ८० रुपैयाँ, परवर (लोकल र तराई) १०० रुपैयाँ, चिचिण्डो ७० रुपैयाँ, घिरौँला ८५ रुपैयाँ, फर्सी पाकेको ६५ रुपैयाँ, हरियो फर्सी (डल्लो) २५ रुपैयाँ, सलगम ९० रुपैयाँ र भिण्डी १२० रुपैयाँ रहेको छ।

त्योभन्दा बाहेक, सखरखण्ड ८० रुपैयाँ, पिँडालु ६५ रुपैयाँ, रायोसाग १८० रुपैयाँ, पालुङ्गो साग २०० रुपैयाँ, चमसुर १८० रुपैयाँ, तोरीको साग ९० रुपैयाँ, हरियो प्याज ७५ रुपैयाँ, च्याउ (कन्य) २०० रुपैयाँ, च्याउ (डल्ले) ३२० रुपैयाँ, कुरिलो ४०० रुपैयाँ र निगुरो ७५ रुपैयाँ तोकिएको छ।

ब्रोकाउली प्रतिकिलो १९० रुपैयाँ, चुकुन्दर ६५ रुपैयाँ, रातो बन्दा १३० रुपैयाँ, जिरीको साग २५० रुपैयाँ, पार्सले ६०० रुपैयाँ, पुदिना ५०० रुपैयाँ, इमली १७० रुपैयाँ, तामा १०० रुपैयाँ, तोफु १३० रुपैयाँ र गुन्द्रुक १५० रुपैयाँमा उपलब्ध छन्।

फलफूलतर्फ, स्याउ (झोले) प्रतिकिलो २०० रुपैयाँ, स्याउ (फुजी) २५० रुपैयाँ, केरा (दर्जन) ११० रुपैयाँ, कागती १२० रुपैयाँ, अनार ३०० रुपैयाँ, सुन्तला (भारतीय) १४० रुपैयाँ, तरबुजा ६० रुपैयाँ, मौसम १६० रुपैयाँ, जुनार २५० रुपैयाँ, भुइँकटहर प्रतिगोटा १५० रुपैयाँ, काँक्रो (लोकल) ६५ रुपैयाँ, काँक्रो (हाइब्रिड) २५ रुपैयाँ, नास्पाती (लोकल) ८० रुपैयाँ, नास्पाती (चाइनिज) २२० रुपैयाँ, मेवा (नेपाली) ६५ रुपैयाँ, मेवा (भारतीय) ९० रुपैयाँ, अम्बा १०० रुपैयाँ, लप्सी ५० रुपैयाँ, किबी २३० रुपैयाँ, सरिफा ९० रुपैयाँ र आभोकाडो २५० रुपैयाँ निर्धारण गरिएको छ।

कालीमाटी बजार विकास समितिले दैनिकरूपमा तरकारी र फलफूलको न्यूनतम थोक मूल्य सार्वजनिक गर्दै बजार स्थिरता र उपभोक्ताको जानकारीका लागि दरसम्बन्धी सूचना उपलब्ध गराउँदै आएको छ।