काठमाडौं । ग्लोबल आइएमई बैंक लिमिटेडले आर्थिक वर्ष २०८१/८२ काे नाफाबाट आफ्ना शेयरधनीलाई ८ प्रतिशत नगद लाभांश वितरण गर्ने घोषणा गरेको छ।

बैंकले हाल कायम चुक्ता पूँजीको ८ प्रतिशत दरले (करसहित) लाभांश वितरण गर्ने प्रस्ताव गरेको हो। यो प्रस्ताव नेपाल राष्ट्र बैंकको स्वीकृति र बैंकको आउँदो वार्षिक साधारण सभाबाट पारित भएपछि कार्यान्वयन हुनेछ। ग्लोबल आइएमई बैंकले हालै ग्लोबल फाइनान्सको ‘बेष्ट बैंक अवार्ड २०२४ र २०२५’ तथा युरो मनी अवार्ड फर एक्सलेन्स अन्तर्गत पनि नेपालको सर्वश्रेष्ठ बैंकको उपाधि प्राप्त गरेको छ।

मुलुकका ७७ वटै जिल्लामा सेवा सञ्जाल विस्तार गरेको बैंकका ३५२ शाखा, ३८४ एटिएम र १,००० भन्दा बढी सेवा केन्द्रहरू रहेका छन्। बैंकले नेपालभित्रका साथै अमेरिका, यूके, अष्ट्रेलिया, कोरिया, जापान, खाडी मुलुकलगायतबाट रेमिट्यान्स सेवा पनि प्रदान गर्दै आएको छ।