काठमाडौं । कांग्रेस नेता तथा पूर्व गृहमन्त्री रमेश लेखकले जेनजी आन्दोलनमा आफूले बल प्रयोग वा गोली चलाउन आदेश नदिएको स्पष्ट पारेका छन्। शुक्रबार सानेपास्थित कांग्रेस पार्टी कार्यालयमा सञ्चारकर्मीहरूसँग कुराकानी गर्दै लेखकले आन्दोलनमा भएको घटनालाई दुःखद भन्दै आफू र तत्कालीन प्रधानमन्त्री केपी शर्मा ओलीले दमनको आदेश नदिएको दाबी गरे।
लेखकले आन्दोलनमा बाह्य घुसपैठका कारण हिंसात्मक मोड लिएको बताउँदै त्यसको सत्यतथ्य पत्ता लगाउन गठित छानबिन आयोगमाथि विश्वास व्यक्त गरे। उनले सबै राजनीतिक दलहरूलाई आग्रह गर्दै लोकतन्त्रको मूल्य र विधिको शासनलाई प्राथमिकता दिनुपर्ने बताए। लेखकको यो अभिव्यक्ति आन्दोलन भएको करिब एक महिनापछि आएको हो।
प्रतिक्रिया