काठमाडौं। सिराहामा १५ वर्षीय अभिषेक सिंहको अपहरणपछि हत्या भएको घटनामा प्रहरीले आठ जनालाई नियन्त्रणमा लिएको छ। पक्राउ परेकाहरूमा बालकका आफन्त र छिमेकीसमेत रहेका छन्।
घटनास्थल सिरहाको गोलबजार नगरपालिका (१३) भेल्हा डंगराहाको घर नजिकै रहेको आँप बगैंचामा बालकको शव फेला परेको थियो। अभिषेक गत आइतबार राति ८ बजे बेपत्ता भएका थिए ।
सिडिओ प्रहरी निरीक्षक धर्मेशकुमार यादवका अनुसार सोमबार बिहान बालकको मोबाइलबाट आमाको मोबाइलमा अपहरण र फिरौती मागेको सन्देश आएको थियो। अपहरणकारीले ५ करोड रुपैयाँ माग गरेको हिन्दी सन्देशमा उल्लेख गरिएको थियो।
प्रहरीले अनुसन्धानको क्रममा पक्राउ परेकाहरूको नाम गोप्य राखेको छ ।
प्रतिक्रिया