काठमाडौं । यही भदौ २३ र २४ गते भएको जेनजी आन्दोलनमा मृत्यु हुनेको संख्या ५५ पुगेको छ। आन्दोलनमा घाइते भएकामध्ये थप चार जनाको उपचारका क्रममा मृत्यु भएपछि मृतक संख्या बढेको नेपाल प्रहरीले जनाएको हो।
नेपाल प्रहरीका प्रवक्ता विनोद घिमिरेका अनुसार मृतकमध्ये जेनजी पक्षका २१ जना, कैदी ९ जना, नेपाल प्रहरीका सहायक निरीक्षकसहित ३ जना र एक जना भारतीय नागरिक रहेका छन्।
आन्दोलनका क्रममा १८ जनाको भने आगलागी र करेन्ट लागेर मृत्यु भएको प्रहरीले जानकारी दिएको छ।
हाल पनि केही घाइतेको अवस्था गम्भीर रहेकाले मृत्यु हुनेको संख्या अझै बढ्न सक्ने अनुमान गरिएको छ।
प्रतिक्रिया