काठमाडौं । देशभर फैलिएको हिंसात्मक प्रदर्शनका कारण त्रिभुवन अन्तर्राष्ट्रिय विमानस्थलमा आन्तरिक तथा अन्तर्राष्ट्रिय उडानहरु ठप्प भएका छन् । विमानस्थल सुरक्षा प्रमुख एसएसपी सोमेन्द्रसिंह राठौरका अनुसार आन्तरिक उडानमा बिहानदेखि यात्रु संख्या न्यून भएकाले धेरै उडानहरू बन्द भएका छन् ।

अन्तर्राष्ट्रिय उडानमा भने काठमाडौं विमानस्थलमा अवतरण गर्नुपर्ने जहाजहरूले अवतरण गर्न अस्वीकार गरेपछि विमानस्थल पूर्ण रूपमा बन्द भएको छ। विदेशबाट आउने जहाजहरू अवतरण गर्न नसकेका कारण त्रिभुवन अन्तर्राष्ट्रिय विमानस्थलबाट विश्वका विभिन्न मुलुकमा हुने उडानहरू पनि प्रभावित भएका छन् ।

काठमाडौंको हिंसा बढेसँगै भारतका विभिन्न विमानस्थलहरूमा काठमाडौंका लागि आउने जहाजहरू अवतरण भएका छन् भने कतिपय जहाजहरू त सोही ठाउँ फर्किएका छन् ।

विमानस्थलको यस अवस्थाले यात्रुहरूमा व्यापक असुविधा परेको छ र त्रिविको संचालन कहिलेसम्म सामान्य अवस्थामा फर्किन्छ भन्ने अहिले निश्चित छैन ।