काठमाडौं । जेनजीहरूको प्रदर्शनका क्रममा घाइते हुनेहरूको संख्या लगातार बढिरहेको छ । सोमबार सामाजिक सञ्जाल बन्दको विरोधमा सुरु भएको प्रदर्शन हिंसात्मक रूप लिँदै गर्दा १४ जनाको मृत्यु भइसकेको छ भने धेरै घाइते भएका छन् ।

विभिन्न अस्पतालहरूमा घाइतेहरूको उपचार जारी छ । राष्ट्रिय ट्रमा सेन्टरमा मात्रै ४९ जना घाइतेहरू उपचाररत छन्। अन्य अस्पतालहरूमा समेत घाइतेहरूको उपचार भइरहेको छ ।

उपचारमा संलग्न चिकित्सकहरूले जानकारी दिएका छन् कि अधिकांश घाइतेहरूलाई गोली लागेको छ । “गोली लागेका बिरामीहरू धेरै छन्, रबरको गोली र छर्रा लागेको पनि देखिएको छ,” चिकित्सकहरूले बताएका छन् ।

सरकारी स्वास्थ्य निकायहरूले घाइतेहरूको प्रभावकारी उपचारमा जुटेको बताउँदै सबै आवश्यक कदम चालिरहेको जानकारी दिएका छन् ।