ललितपुर । नेकपा एमाले०को विधान महाधिवेशनको दोस्रो दिन अध्यक्ष केपी शर्मा ओलीको राजनीतिक प्रतिवेदनसहित विभिन्न प्रतिवेदनहरूमा समूहगत छलफल जारी छ । शनिबार ललितपुरको गोदावरीस्थित सनराइज हलमा १० समूहमा विभाजन गरी छलफल गरिँदैछ ।

शुक्रबार सुरु भएको महाधिवेशनमा ओलीले राजनीतिक प्रतिवेदन, महासचिव शंकर पोखरेलले सांगठानिक प्रतिवेदन, उपाध्यक्ष विष्णु पौडेलले विधान संशोधन प्रस्ताव पेस गरेका थिए । स्थायी कमिटी सदस्य कर्णबहादुर थापाले फरक मत पनि प्रस्तुत गरेका छन् ।

शनिबार निर्वाचन, लेखा र अनुशासन आयोगका प्रतिवेदनहरू प्रस्तुत गरिएको छ। आइतबार समूहगत सुझावहरू प्रस्तुत भएपछि नेतृत्व चयनका लागि निर्वाचन प्रक्रिया सुरु हुने छ । महाधिवेशनमा २,०२६ प्रतिनिधिसहित २,३४१ जना सहभागी छन् ।