भगवान हनुमान हिन्दू धर्मका एक महान देवता हुन्, जो भक्ति, शक्ति, साहस र समर्पणको प्रतिक मानिन्छन् । उनी रामायणका एक प्रमुख पात्र हुन् र भगवान रामका अनन्य भक्तका रूपमा विश्वभर पूजिन्छन् ।

जन्म र परिचय : हनुमानजीलाई पवनपुत्र, अञ्जनीपुत्र, वा मारुति पनि भनिन्छ। उनको जन्म अञ्जना देवी र पवन देवताबाट भएको मानिन्छ। उनी वानर जातिका हुन्, तर देवगुणले भरिपूर्ण छन् ।

रामायणमा भूमिका : हनुमान रामायणका महान पात्र हुन् जसले भगवान रामको सेवा र भक्ति जीवनको सर्वोच्च धर्म ठाने । सीताको खोजी गर्न समुद्र पार गरेर लङ्कासम्म पुग्नु, अशोक वाटिकामा सीतालाई सान्त्वना दिनु, लङ्का दहन गर्नु, र लक्ष्मणको लागि संजीवनी बुटी ल्याउनु यी सबै कार्यहरूमा उनले आफ्नो अद्वितीय शक्ति, बुद्धि र निष्ठा देखाएका छन् ।