काठमाडौं । जाजरकोटको कुशे गाउँपालिका–१ धाउनीमा अरिङ्गालले चिलेर दुई जना बालिकाको ज्यान गएको छ । ज्यान गुमाउनेमा वीरबहादुर सिंहका दुई छोरीहरु ९ महिनाकी निर्जला सिंह र तीन वर्षीया सुस्मिता सिंह रहेका छन् ।

सुस्मिताको आइतवार बेलुकी र निर्जलाको उपचारका लागि अस्पताल लैजाँदै गर्दा हिजो सोमवार ज्यान गएको टालेगाउँ स्वास्थ्यचौकीका प्रमुख शेरबहादुर बस्नेतले जानकारी दिनुभयो ।

बालिकाको साथमा रहेकी हजुरआमा बिजुली सिंहसमेत अरिङ्गालले चिलेर बिरामी हुनुभएको प्रमुख बस्नेत बताउनुभयो ।

दुई नातिनीसँगै गाईगोरु लिएर धाउनीमा रहेको खेतमा काम गर्न जाने क्रममा उनीहरुलाई अरिङ्गालले चिलेको बस्नेतले जानकारी दिनुभयो ।