धुलिखेल, २९ भदौँः काभ्रेमा कोरोना संक्रमणबाट थप एक बृद्धाको मृत्यु भएको छ । स्वास्थ्य कार्यालय काभ्रेका अनुसार भुम्लु गाउँपालिका वडा नम्बर ८ का ७० बर्षीय बृद्धाको मृत्यु भएको हो ।

भदौँ २५ गते शीर मेमोरिय अस्पतालमा उपचारका लागि मृत्यु भएकी ती महिलाको हिजो कोरोना भाइरस पुष्टि भएको हो । यो सँगै काभ्रेमा कोरोना संक्रमणबाट मृत्यु हुनेको संख्या तीन पुगेको छ । यसअघि धुलिखेल र पाँचखालमा एक, एक जनाको मृत्यु भएको छ ।

आज चौरीदेउराली गाउँपालिकाका १ महिला र बनेपा नगरपालिकाका १ जना महिलामा कोरोना संक्रमण पुष्टि भएको स्वास्थ्य कार्यालय काभ्रेका प्रमुख, डाक्टर नरेन्द्र कुमार झाले जानकारी दिनुभयो । जिल्लामा कोरोना संक्रमितको संख्या ३९१ पुगेको छ । २ सय ७३ जना निको भएर घर फर्किएका छन् ।