देवराज सुवेदी, सिन्धुपाल्चोकः सिन्धुपाल्चोकको जुगल गाउँपालिका–२ लिदीको लामा गाउँ नौ दिनअघि पहिरोमा बेपत्ता भएकामध्ये आज थप दुई जनाको शव फेला परेको छ । आज एक महिला एक बालिकाको शव फेला परेको जिल्ला प्रहरी कार्यालय सिन्धुपाल्चोकका प्रहरी नायव उपरीक्षक माधव प्रसाद काफ्लेले जानकारी दिनुभयो ।

आज ३५ वर्षीय सानु कान्छी दोङ र चार वर्षीय करिश्मा दोङकोे शव फेला परेको काफ्लेले जानकारी दिनुभयो । यससँगै पहिरोमा ज्यान गुमाउनेको सङ्ख्या ३२ पुगेको छ भने सात जना अझै बेपत्ता छन् । हालसम्म शव फेला परेका मध्ये १६ पुरुष र १६ महिला छन् ।

ती मध्ये १५ जना बालबालिका मात्रै छन् । बेपत्ताको सशस्त्रका निरीक्षक सितल श्रेष्ठ, नेपाल प्रहरीका निरीक्षक हरि भट्टराई तथा सेनाका क्याप्टेन शैलेन्द्र बिष्टको नेतृत्व खोजी भइरहेको छ ।