धुलिखेल २६ साउन : काभ्रेको भुम्लु गाउँपालिकामा १९ वर्षीय पुरुषमा कोरोना सक्रमण देखिएको छ । पालिकाको वडा नम्बर ६ कोताती भुम्लुका १९ बर्षीय पुरुषमा कोरोना संक्रमण पुष्टि भएको स्वास्थ्य कार्यालय काभ्रेका डाक्टर नरेन्द्रकुमार झाले बताउनु भयो । डाक्टर झाका अनुसार संक्रमीत पुरुषलाई धुलिखेल अस्पातालको आइसोलेसनमा राखिएको छ । वडा नं ६ मा कोरोना संक्रमण देखिएपछि गाउँपालिकाले त्यस वडालाई सिल गरिएको गाउँपालिकाका प्रमुख प्रसाशकिय अधिकृत मदनकुमार बजगाईले जानकारी दिनु भयो ।

काभ्रे जिल्लामा योसँगै जिल्लामा कोरोना संक्रमितको संख्या ४३ पुगेको छ । त्यस मध्ये २८ जना उपचारपछि निको भएर घर फर्किएका छन् । १५ जनाको विभिन्न आइसोलेसनमा उपचार भइरहेको छ । जिल्लामा हालसम्म १० हजार ४ सय ७६ जनाको स्वाब संकलन गरी परीक्षण गरिएको छ । जिल्लामा क्वारेन्टाइनको संख्याको २७ वेडको रहेको छ ।