धुलिखेल, १२ साउनः जिल्ला ट्राफिक प्रहरी कार्यालय काभ्रेले लकडाउन खुकुलो भएसँगै अनाधिकृत रुपमा राजधानी प्रवेश गराउन खोज्ने सवारी साधनलाई कारबाही गर्न थालेको छ । ट्राफिक प्रहरीले काभ्रे भएर राजधानी प्रवेश गर्ने मुख्य साँगा नाकासँगै अन्य सहायक नाकाहरुमा समेत चेकजाँचलाई कडाइ गरेको छ ।

आज पनि मान्छे बोक्ने ट्रक र पिकअप गाडीहरुलाई कारबाही गरेको जिल्ला ट्राफिक प्रहरी कार्यालय काभ्रेका प्रमुख बिशाल तामाङले जानकारी दिनुभयो । ट्राफिक प्रहरीले सार्वजनिक सवारी साधनमा स्वास्थ्य सुरक्षाका उपाय पनाए वा नआएको बारे पनि जाँच गर्ने गरेको छ ।

ट्राफिक प्रहरीले यात्रुसँग बाढी भाडा लिएको पाइएका खबर गर्न पनि भनेको छ । नियम विपरित मानिस ओसार पसार गर्ने ट्रक र पिकअपबाट मान्छे ओरालेर बसमा पठाइएको प्रहरीले जनाएको छ ।