कुन्ता बेशी, ३० असारःकाभ्रेपलाञ्चोक जिल्लाको मण्डनदेउपुर नगरपालिका वडा नं ८ धाईटार स्थित पौडेल टोलमा एक घर, एक धारा कार्यक्रम अन्तर्गत खानेपानी वितरणको काम सुरु भएका हो छ । पौडेलले टोलका ७६ घरधुरीमा एक घर एक धारा अन्तर्गत खानेपानी सेवा विस्तार भएको हो ।

नेपाली कांग्रेस काभ्रेका उपसभापति अच्युतप्रसाद पौडेल, वडाअध्यक्ष झलकप्रसाद पौडेलको सक्रियतामा खानेपानीको चरम अभाव झेल्दै आएका स्थानीयहरुको लागि खानेपानीको व्यवस्था स्वरुप एक घर एक धाराको अवधारणा आएको हो ।

भवानी खानेपानी तथा सरसफाई आयोजनाले २०६० सालदेखि काम सुरु गरेर २०६१ सालवाट खानेपानी वितरण भएपनि व्यवस्थापन हुन नसक्दा खानेपानीको विस्तार राम्रोसँग हुन सकेको थिएन । २०७२ सालको भुकम्पका कारणले खानेपानी क्षती भएसँगै मिष्टर वाटसनले धुलिखेल अस्पताल मार्फत १९ लाख ६७ हजार र वडा कार्यालय मार्फत एक लाख ६७ हजार रुपिया विनियोजन भएको थियो ।

गाउँमा खानेपानी पुर्याउन सुरुदेखिनै स्थानीय नागरिकहरुले श्रमदान गरेका थिए । एक घर, एक धारा कार्यमा न्यूनतम रकम तोक्न उपभोक्ता समितिको बैठक बस्ने निर्णय समेत भएको छ । घर घरमै पानी सहितको धारा पुगेपछि पुगेपछि स्थानीय खुशी भएका छन् । एकघर, एक धारा कार्यक्रमको केही दिनमै उद्घाटन गर्ने कार्यक्रम रहेको समितिका अध्यक्ष सुर्दशन पौडेलले जानकारी दिनुभयो ।