धुलिखेल, ५ जेठः काभ्रेको विकट डाँडापारी क्षेत्रमा खानिखोला गाउँपालिकाले विदेशमा रहेका पालिका भित्रका नागरिकको तथ्यांक संकलन थालेको छ । गाउँपालिकाले रोजगार, अध्ययन लगायतको सिलशिलामा देश बाहिर रहेका आफ्ना नागरिककाको तथ्यांक संकलन गर्न थालेको हो ।

मलेशिया, कतार, जापान, कोरिया लगायतका देशमा गरी लगभग ५ सय नागरिक रहेको प्रबक्ता मान बहादुर गोलेले जानकारी दिए । उनका अनुसार अहिलेसम्म २ सय भन्दा बढीले आफ्नो वितरण पालिकामा पठाइसकेका छन् ।

एक हप्ता भित्र तथ्यांक संकलन गरिसक्ने प्रबक्ता गोलेले बताए । ‘गृह मन्त्रालयको आग्रहमा आफ्नो पालिकाभित्रबाट विदेश गएका नागरिकहरुको वितरण संकलन गर्न थालेका हौँ, प्रवक्ता गोलेले भने ‘विदेशमा हाल कस्तो अवस्था छ र त्यसैको आधारमा स्वदेश फिर्ता गर्न पनि सहज हुनेछ ।’