धुलिखेल, १६ धुलिखेलः रोशी गाउँपालिकाले आफ्नो पालिकाभित्र सञ्चालित खानी र क्रसर उद्योगमा काम गर्ने मदजुरको वितरण तत्कालन गाउँ निर्देशन दिएको छ । प्रमुख प्रशासकीय अधिकृत डम्बरु दाहालले श्रमिकको विवरण पठाउन निर्देशन दिएका हुन् ।

लकडाउनसँगै श्रमिकको दैनिक उपभोग्य सामानहरुको ब्यवस्थापन र बन्दोबस्तको जानकारी गाउँपालिकालाई जानकारी दिन समेत भनिएको छ । ‘पहिलो दायित्व त मजदुरहरुको खानपानको ब्यवस्था मिलाउने उद्योगी ब्यवसायीकै हो, प्रमुख प्रशासकीय अधिकृत दाहालले भने ‘यदि उद्योग ब्यवसायीले ब्यवस्थापन गर्न नसकेको खण्डमा हामीले सहजीकरण गरिदिनुपर्छ, लकडाउनपछि केहि मदजुर अझै घर जान नसकिरहेको पालिकालाई जानकारी आएकाले विवरण पठाउन भनेका हौँ ।’

यसैबीच पालिकाका अध्यक्ष डि.वि लामाले विदेश तथा अन्य ठाउँबाट आएका शंकास्पद बयक्तिहरुको निगरानी राखी उनीहरुको विवरण दैनिक रुपमा गाउँपालिकाको कार्यालयमा पठाउन निर्देशन दिएका छन् । उनले सबै वडा कार्यालयहरुलाई त्यसको विवरण संकलन गरी पालिकामा पठाउन आग्रह गरेका हुन् ।