धुलिखेल, २ चैतः काभ्रेको मण्डनदेउपुर नगरपालिका वडा नम्बर ७ कुन्ताबेसीमा टिपर र मिनिटिपर ठोकिँदा २२ जना घाइते भएका छन् । बा ५ ख ५७७४ नम्बरको टिपर बा २ ख २१८२ नम्बरको मिनिटिपरसँग ठोक्किएर भएको दुर्घटनामा मिनिटिपरमा सवार २२ यात्रु घाइते भएको जिल्ला प्रहरी कार्यालय काभ्रेका डिएसपी कुमार विक्रम थापाले जानकारी दिए ।
आइतबार सिन्धुपाल्चोकको देउरालीवाट काभ्रेको चैनपुरमा दहीचिउरा खुवाएर फर्कदै गर्दा मन्डनदेउपुर ७ कुन्ताबेशीमा दुर्घटना भएको जिल्ला प्रहरी कार्यालय काभ्रेले जनाएको छ । घाइते सबैलाई उपचारका लागि धुलिखेल अस्पताल ल्याइएको छ । घाइते मध्ये दुई जनाको अवस्था गम्भीरहेको डिएसपी थापाले जानकारी दिए ।
प्रतिक्रिया