काठमाण्डौँ २६ फागुनः रसुवा जिल्लामा निर्माधिन तीन वटा जलविद्यूत आयोजनाबाट उत्पादित विद्युत् खेर जाने अवस्था आएको छ । चिलिमे जलविद्युत् कम्पनीको अगुवाइमा निर्माणाधीन १ सय ११ मेगावाट क्षमताको रसुवागढी, ४२ दशमलब ५ मेगावाटको सान्जेन र १४ दशमलब ८ मेगावाटको माथिल्लो सान्जेन आयोजनाको विद्युत् खेर जाने अवस्था आएको हो ।

आगामी असारसम्ममा निर्माण सम्पन्न गर्ने लक्ष्य राखिएका यी तीन वटा जलविद्युत् आयोजनाको विद्युत् चिलिमे–त्रिशूली २ सय २० केभी क्षमताको प्रसारण लाइनमा जोडिनेछ । प्रसारण लाइन निर्माणको जिम्मा लिएको ठेकेदार कम्पनीले समयमै काम नगरिदिदाँ विद्यूत खेर जाने अवस्था आएको हो ।

नेपाल विद्युत् प्राधिकरणका कार्यकारी निर्देशक कुलमान घिसिङले निर्माण व्यवसायीलाई इमान्दार भएर काम गर्न कडा चेतावनी दिए ।