धुलिखेल, २५ फागुनः विश्वभर महिला दिवस मनाइरहँदा दैनिक ज्याला गरेर घरपरिवार चलाउने काभ्रेका महिलाहरुलाई भने न त हर्ष छ, न त विषमत नै । आइतबार काभ्रेका स्थानीय तहरुले विभिन्न कार्यक्रम गरेर महिला दिवस मनाउँदै छन् । तर दैनिक ज्यालामा हिड्नुपर्ने महिलाहरु कहिल्यै पनि यस्तो दिवसमा सहभागि हुन पाएको उदाहरण पाइदैन् ।

पढेका र नपढेका महिलाबीच ठूलो खाडल छ । आइतबार सरकारी र गैरसकारी कार्यालयहरु बन्द छन् । तर नमोबद्ध, पाँचखाल, मण्डनदेउपुर, नाला लगायत क्षेत्रका इट्टाभट्टामा काम गर्ने महिलाहरुलाई छुट्टी छैन । उनीहरु हिजो जसरी नै आज पनि घरबाट सामाल तुमल लिएर काम गइरहेका छन् । विहान काममा नगए, बेलुका छाक कसरी टार्ने भन्ने चिन्तामा ती महिलाहरु देखिन्छन् ।

काभ्रेबाट भक्तपुरका इट्टाभट्टामा काम गर्न पुगेका कयौँ महिला दिदीबहिनीहरु पनि यो दिवस कुन चराको नाम हो भन्ने अवस्थामा छन् । सहर बजारमा प्ले कार्ड बोकेर महिला अधिकारको नारा घन्किदैँ गर्दा, उनीहरुको हातले इट्टा बनाउने औजार समाइरहेको छ । भलै, ज्याला मजदुर गर्नेहरुको पनि अधिकार प्लेकार्ड धारीहरुले गुञ्जायमान गरिरहेकोमा गर्व गर्नुपर्छ ।

आइतबार ११० औँ अन्र्तराष्ट्रिय महिला दिवस मनाइ रहँदा पनि ज्यालामा समानता छैन् । एकै प्रकृतिको काम गर्ने पुरुषको तुलनामा महिलाको ज्याला निकै कम छ । जिल्लामा ज्याला तथा निर्माण सामाग्रीहरुको दररेट निर्धारण गर्ने समिति छ । समितिले महिला र पुरुष दुबैको लागि चालु आर्थिक वर्षका लागि ७ सय २५ रुपैयाँ ज्यामी र भरियाको ज्याला तोकेको छ । ब्यवहारमा त्यस्तो देखिदैँन । तर ज्याला कम भयो भनेर उजुरी गर्ने निकाय छैन् । अहिलेसम्म कारबाही भएको पाइदैँन् ।

जिल्लामा घरेलु र महिला हिँसाको घटना बढ्दो क्रममा छ । बालिका देखि बृद्धासम्म बलात्कार भइरहेका छन् । न्यायमा सहज पहुँच छैन् । जसले न्यायलयसम्म जाने आट समेत गर्दैछन् ।