धुलिखेलः,२१ फागुनः काभ्रेको चौरीदेउराली गाउँपालिका वडा नम्बर ९ गोठपानीमा यात्रु बाहक बस दुर्घटना भएको छ ।
रामेछापको गुराँसेबाट काठमाण्डौ तर्फ आउँदै गरेको बा ४ ख ७१०२ नम्बर बस दुर्घटनामा परेको हो ।
दुर्घटनामा ३० जना घाइते भएको जिल्ला प्रहरी कार्यालय धुलिखेलका डिएसपी कुमार बिक्रम थापाले जानकारी दिए । जसमा ६ जना गम्भीर घाइते रहेको बताइएको छ । घाइते सबैको उद्दार गरी धुलिखेल तर्फ ल्याइरहेको जिल्ला प्रहरी कार्यालय धुलिखेलले जनाएको छ ।
घाइतेहरुको पालिकाकाको गाडी र एम्बुलेन्स मार्फत धुलिखेल तर्फ पठाइएको थानीय विनोद ढुंगानाले बताए । उनका अनुसार बस सडकबाट करिब २५/३० किलोमिटर तल खसेको छ ।
प्रतिक्रिया