धुलिखेल ३ फागुन : बनेपा नगरपालिका वडा नं ६ बुडोलमा नयाँ निर्माण हुन लागेको स्वास्थ्य चौकी भवनको शिलान्यास गरिएको छ । बागमती प्रदेश सांसद बसुन्धरा हुमागाईंले ४ कोठे पक्की भवनको आज शिलान्यास गर्नुभएको हो ।

शिलान्यास कार्यक्रममा प्रदेश सांसद हुमागाईंले जनताको सेवक जनप्रतिनिधि भएकाले जनताको आधारभुत आवश्यकता पुरा गर्न आफु लागिपरेकोे बताउनुभयो ।सांसद हुमागाईंले समृद्धीको आधार स्वास्थ्य शिक्षा र रोजगार भएकाले निर्वाचनको बेला गरेका प्रतिबद्धता पुरा गर्ने बताउनु भयो ।

कार्यक्रममा बनेपा नगरपालिकाकी उप–प्रमुख रेखा सापकोटा दाहलले वडा नं ६ कार्की गाउँमा अवको १ महिनाभित्र खानेपानीको व्यवस्था हुने बताउनुभयो । उप–प्रमुख दाहलले जनातको घरदैलोमा खानेपानी पु¥याएर स्वास्थ्य सरसफाई अभियान संचालन गर्ने बताउनुभयो ।

कार्यक्रममा वडा नं ६ अध्यक्ष सचितानन्द केसीले प्रदेश सरकारले आफ्नो वडा भित्र सडक, खानेपानी, शिक्षा र स्वास्थ्य क्षेत्रको विकासमा सासद हुमागाईले नेतृत्व गर्नुभएकोमा प्रसंसा गर्नुभयो ।

यसैगरी कार्यक्रममा यूवा समाजसेवी भेषराज शाहले वडामा संचालन हुने हरेक आयोजनाहरुको डिपिआर बनाएर कामशुरु गर्नुपर्ने बताउनु भयो । यसैगरी यो वर्ष भित्रै वडा भवनको माथिल्लो तल थप गर्ने भएको छ ।