धुलिखेल, ३ माघ: जिल्ला समन्वय समिति काभ्रेलाई संसदको अर्थ समितिले नदीजन्य सामग्रीको मूल्य पठाउन निर्देशन दिएको छ । समितिले पछिल्लो १० वर्षको नदीजन्य सामग्री गिट्टी, ढुंगा, बालुवाको मूल्य पठाउन निर्देशन दिएको हो ।

भिडियो हेर्नुस

अर्थ समितिले काभ्रे सहित सातवटै प्रदेशका २/२ जिल्लाका जिल्ला समन्वय समितिलाई पछिल्लो १० वर्षको नदीजन्य निर्माण सामग्रीको मूल्य पठाउन भनेको छ । समितिले काभ्रे, काठमाडौं, झापा, सुनसरी, धनुषा, सर्लाही, रुपन्देही, दाङ, सुर्खेत, बाँके, तनहु, कास्की, कैलाली र कन्चनपुर जिल्लाको मुल्य विवरण मागेको हो ।

समिति सभापतिका सभापति कृष्णप्रसाद दाहालले १४ जिल्लाका नदीजन्य सामग्रीको मूल्य विश्लेषण गरिने बताए । सिमेन्ट र नदीजन्य सामग्रीको मूल्य झण्डै समान भई निजी तथा सार्वजनिक निर्माण निकै महंगो बन्दै गएको बिषयमा समितिले अध्ययन गर्ने भएको छ ।