धुलिखेल, २७ पुसः काभ्रेबाट निर्वाचिन ५ जना सांसदहरुले काभ्रेकै विपक्षमा मतदान गरि रहदाँ विवेकशील पार्टीका तीन जना सांसदले भने काभ्रेको पक्षमा मतदान गरेका छन । आइतबार विहान भएको प्रदेश नम्बर ३ को स्थायी राजधानी बनाउने प्रस्तावमाथि विवेकशीलका सासंद जना रमेश पौडेल, शोभा शाक्य र विराजभक्त श्रेष्ठले काभ्रेको पक्षमा मतदान गरेका हुन ।

सांसद पौडेलले आफ्नै पार्टीका शाक्य र श्रेष्ठको समर्थनमा धुलिखेल स्थायी राजधानी बनाउने प्रस्ताव संसद सचिवालयमा दर्ता गराएका थिए । काभ्रेका लागि प्रस्ताव पर्दा पर्दै काभ्रेबाटै निर्वाचित सांसदहरुले पक्षमा मतदान गरेनन ।

काभ्रेबाट निर्वाचित चन्द्र लामा, बसुन्धरा हुमागाई, लक्ष्मण लम्साल, रत्न ढकाल र गोमा भूर्तेलले काभ्रेको पक्षमा मतदान गरेनन । आइतबारको मतदान प्रक्रियामा १०८ जना सांसद उपस्थित भएका थिए । जसमा विवेकशीलका ३ जनाले मात्रै काभ्रेका पक्षमा मतदान गरे । हेटौँडाको पक्षमा १०५ मत परेको छ । प्रदेशको स्थायी राजधानी र नामको छिनोफानो गर्न दुई तिहार मत आवश्यक पथ्र्यो । प्रदेश तीनको सदनमा ११० जना सांसद छन ।

सभामुख सानु कुमार श्रेष्ठले काभ्रेको पक्ष र विपक्षमा मतदान गर्ने कोठा देखाइरहदाँ काभ्रेबाट निर्वाचित सांसदहरु भने एकैछिन अलमल परेको जस्तो देखिथे ।