हेटौडा, १९ पुसः अनौपचारिक क्षेत्र सेवा केन्द्र (इन्सेक) प्रदेश नं. ३ हेटौडाले नेपाल मानव अधिकार वर्ष पुस्तक २०२० को वार्षिक सम्पादन भेला शनिबारबाट हेटौडामा सुरु गरेको छ । इन्सेक प्रदेश नं. ३ का संयोजक कृष्ण गौतमले भेलाकाबारेमा जानकारी दिदै देशभरमा भएका घट्नालाई संकलन गरेर मानव अधिकार वर्ष पुस्तक २०२० को प्रकाशनको तयारीको क्रममा प्रदेश नं. ३ का १३ जिल्लाका मानव अधिकार उलंघन र ज्यादतीका घट्नाको सम्पादन गरिएको बताए ।

प्रदेश नं. ३ भित्र रहेका संकलित घट्नाहरु मध्ये सबैभन्दा बढी काठमाण्डौं जिल्लामा ९१३, ललितपुरमा १३०, भक्तपुरमा २५४, सिन्धुपाल्चोकमा ८१, काभ्रेमा १०३, सिन्धुली १००, मकवानपुर ५०, चितवन १०७, धादिङ्ग ४१, रसुवा १४, रामेछाप ३०, दोलखा ३०, नुवाकोटमा घटेका घट्नाहरुको अभिलेख गरिएको सम्बन्धित जिल्ला प्रतिनिधीहरुले जानकारी दिए ।

संकलित घट्नामा सबै भन्दा बढी घरेलु हिंसा र बलात्कारका घट्नाहरु रहेको पाईएको इन्सेक प्रदेश नं. ३ का संयोजक गौतमले बताए ।