बनेपा १८ कार्तिक : काभ्रेको बनेपामा प्रहरी र स्थानीयबीच झडप भएको छ । प्रहरीले झडपलाई नियन्त्रण गर्न खोज्दा ८ जना घाइते भएका छन । झडपमा परी स्थानीय ५ जना र प्रहरी ३ जना घाइते भएका छन् ।
बनेपा नगरपालीका र स्थानीयबीच फोहोर ब्यबस्थापन गर्ने विषयमा बार्ता नमिलेपछि झडप बनेपा नगरपालिका वडा नं ९ ठकुरी गाउँमा प्रहरी र स्थानीयबीच झडप भएको हो ।
नगरपालिकाले फोहोर जलाउने मेसिन राख्नका लागि ठाउँ सम्याउने क्रममा झडप भएको जिल्ला प्रहरी कार्यालयले जनाएको छ ।
झडपलाई नियन्त्रण गर्न प्रहरीले ९ राउण्ड अश्रु ग्यास प्रहार गरेका थिए । प्रहरीका अनुसार घाइतेहरुको बनेपाको शिरमेमोरियल अस्पतालमा उपचार भैरहेको छ ।
प्रतिक्रिया