धुलिखेल २६ साउनः काभ्रेको मण्डन देउपुर नरपालिकाले किसानलाई कृषि औजार वितरण गरेको छ ।

नगरपालिकाले एक सय ९ वटा हाते ट्याक्टर र २१ वटा थ्रेसर मेसिन वितरण गरेको हो । ५० प्रतिशत अनुदानमा कृषि औजारका सामग्री वितरण गरिएको नगरप्रमूख टोक बहादुर वाइबाले जानकारी दिए ।

कृषि औजार वितरण गर्न ७४ लाख ६ हजार खर्च भएको छ । नरपालिकाभित्र कृषिको उत्पादकत्व बढाउन र कृषकहरुको जीवनस्तर सुधारका लागि आधुनिक औजार वितरण गरिएको नगरप्रमुख बाईवाले बताउनुभयो । ‘हामीले खेती प्रणालीमा आमूल परिवर्तन गर्न आवश्यक छ, नगरप्रमूख वाइबाले भने ‘हाम्रो नगरमा प्रशस्तै खेती योग्य जमिन छन् नयाँ प्रविधिमा आधारित खेती गर्न सक्यो भने मात्रै कृषकहरुको जीवनस्तरमा सुधार आउँछ ।

आधुनिक कृषि औजार पाए पछि किसानहरु पनि खुशी देखिएका थिए ।

यसैबीच नगरपालिकाले नगरभित्रका ३९ वडा विद्यालयलाई खेलकुद सामाग्री र फोहोर संकलन गर्नका लागि डस्वीन पनि वितरण गरेको छ । ५ लाख बराबरको खेलकुदका सामाग्री र डस्वीन वितरण गरेको नगरपालिकाले जनाएको छ । नगरपालिकाको प्रमूखमा निर्वाचित भएपछि नगरप्रमूख वाइबाले नगरपालिकाको शिक्षा क्षेत्रको सुधारलाई पहिलो प्राथमिकता दिएका छन् ।

नगरभित्रका विद्यालयहरुमा दरबन्दी मिलानको काम सकिएको छ । नगरप्रमूख वाइबाले शिक्षकहरुको चौमासिक तलब पाउने ब्यवस्थालाई घटाएर निजामति कर्मचारी सरह मासिकले पाउने ब्यवस्था देखि टकिङ टिचर, इलेक्ट्रिक हाजिरी मेसिन देखि हरेक विद्यालयमा छुट्टा छुट्टै सुचना अधिकारीको समेत ब्यवस्था गराएका छन् ।