काभ्रे, २६ मङ्सिर: काभ्रेमा बसको ठक्करबाट एक जनाको मृत्यु भएको छ । बुधवार अरनिको राजमार्ग अन्तर्गत धुलिखेल नगरपालिका ४ बाँसघारीमा बनेपाबाट धुलिखेलतर्फ जाँदै गरेको ना.४.ख. ९२२१ नम्बरको बसले सोही दिशाबाट आउँदै गरेको बा८३ प ३३५४ नम्बरको मोटरसाईकललाई ठक्कर दिँदा दुर्घटना भएको प्रहरीले जनाएको छ ।

जिल्ला प्रहरी कार्यालय काभ्रेका डिएसपी दिपक गिरीका अनुसार मोटरसाईकलमा सवार धुलिखेल नगरपालिका ३ कुताल घर भएका २० वर्षीय सन्त तामाङ घाइते भएका थिए । तामाङको उपचारको क्रममा धुलिखेल अस्पतालमा मृत्यु भएको प्रहरीले जनाएको छ । प्रहरीले बस र चालकलाई नियन्त्रणमा लिएको छ ।